Three Little Meow: 7月 2015

2015年7月4日星期六

貓奴大戰梨形蟲 (1)

貓奴大戰梨形蟲 (1)
話說貓奴在2012年從SPCA領養了大老闆和二老闆, 那時候對貓只有很基本的知識
聽說貓貓入屋後因為緊張, 可能要待數天才會進食和便便
不過可能兩位老闆入屋時只有兩三個月, 適應力較強
一來到就有吃乾糧 (那時候是吃SPCA介紹的hills啊~)
數小時後, 當貓奴正在晚飯時, 二老闆仲賜了貓奴第一篤黃金
問題就黎喇.... 呢一篤黃金, 奇~臭~無~比!!! 嚇得貓奴立刻放下飯碗走去處理..
點知行埋去一睇, 嘩! 新手貓奴嚇到鼻哥窿都冇肉!
因為呢篤黃金, 同貓奴以往在網上看到的都差很遠..
比軟便更差, 係水狀, 有氣泡, 而且帶血的. 然後貓奴又想起..貓貓入屋緊張, 會導致腸胃敏感, 有可能痾軟便甚致帶血, 所以貓奴決定再觀察一下, 並嘗試改餵蒸雞柳 (在網上看到blogger教), 一兩天後沒有改善就帶回SPCA見醫生.... (待續)

圖解:
(上) 二老闆在SPCA時楚楚可憐的樣子~ 後面係二老闆的哥哥, 超靚仔的!! 所以一早被hold了
(下) 二老闆入屋後約2星期的便便, 開始有形狀, 但仍是軟便, 帶氣泡 (好似思樂冰咁架....)

更多資訊:
Facebook: www.fb.com/3littlemeow
Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

椰子油對貓咪的好處及用法

有機椰子油的好處:
1. 提升抗氧化和免疫力，增加新陳代謝。
2. 改善消化, 更易吸收營養，令腸道健康，更可幫助吐毛。
3. 預防真菌感染，使毛髮光澤柔順潤滑。

用法:
1. 可以撈落濕糧供主子食用 (起初記得俾主子試少少先, 腸胃適應才增加份量)
2. 直接搽係主子毛髮上

更多資訊:
Facebook: www.fb.com/3littlemeow
Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

貓奴小TIPS: 貓廁所清潔篇

大家都知貓星係超級鐘意乾淨, 除左一日可以沖好多次涼外, 佢地對廁所要求都好高!

貓奴們如果想主子開心、乾淨又健康, 記得勤加清潔貓廁所啦! 除左要加密剷貓沙次數，(勤剷好緊要, 有D貓星人見有屎/尿就唔肯屙, 長遠對身體有壞影響) 。仲要將個D細沙剷走, 如果唔係貓星人再去廁所刮沙埋屎/尿既時候, D細既貓沙就會飛起痴係佢地身上, 令佢地好唔開心&唔舒服!

另外, 仲要定期用有消毒功能既清潔劑黎洗貓廁所,記得要用對寵物無害既先得~ 係旺角寵物街大概賣緊約
$70-$80一大支!

更多資訊:

Facebook: www.fb.com/3littlemeow

Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

南瓜+雞柳, 貓咪最愛又有助吐毛^^

自家煮俾主子食~ 人貓都開心，仲可以增進感情 ^^
今日菜單係清蒸南瓜雞柳 (南瓜有排毛作用啊)
鮮食(濕糧)可以增加貓貓吸收的水份
如果貓貓唔飲水，增加鮮食(濕糧)比例都係一個好方法黎架!

有關貓貓排毛請看: http://3littlemeow.blogspot.hk/2015/07/blog-post_83.html
Facebook 討論: https://goo.gl/3gG1c0

更多資訊:
Facebook: www.fb.com/3littlemeow
Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

貓咪天然吐毛良方

::天然吐毛膏::
一轉季, 大家就會發現主子甩毛甩得特別嚴重! 大家忙於打掃家中亂飛貓毛的同時, 記得留意主子用舌頭理毛的時候亦會同時吞入大量毛髮。咁吞左咁多毛落肚點算呢? 一般黎講, 主子一係就經食道嘔出毛球, 一係經腸道同便便一齊排出。圖中的就係二老闆同三老闆嘔出的毛球了! (靜靜雞告訴你...本店其中一位變態的貓奴仲會經常研究主子便便中有冇毛球/毛團~ :P)

如果主子不能成功排出毛球, 會導致無胃口同便秘... 嚴重的話仲可能要開刀拿出積聚在體內的毛球... 貓貓原本在野外生活，自己會搵吐毛食物，但成為家貓後只能靠貓奴提供了.
因此，市場便出現了各種口味的吐毛膏, 大部分都有礦物油成份 , 因為滑腸效果最顯著，質量和價格較高的會用魚油，但為了增加口感同味道，又會加入各種不合貓咪腸胃的成份~ 想貓貓食得更健康，其實可以考慮天然的吐毛食物!!以下介紹三種貓奴最易準備的天然吐毛膏:
1. 小麥草 (Wheat Grass)
好多人會叫佢做貓草，但好易同Catnip(又稱貓草、貓薄荷)混淆. 但Catnip 並沒有吐毛作用~ 小麥草可買現成種好的，也可以買一打開加水就種到的方便包，園藝高手可自行買小麥草種子和有機泥種植
2. 椰子油 (選用有機冷壓的最好)
油份有潤滑腸道的效果，用食用椰子油一定比礦物油好，而且仲有益腸道，亦可令貓貓毛髮更滑更有光澤 (椰子油可拌濕糧食)
3. 南瓜肉
南瓜的纖維有助貓貓吐毛，貓奴有時間可以自己蒸南瓜肉件雞柳，或者買現成的南瓜雞肉罐~

除了以上，貓奴記得勤力幫主子梳掉死毛，減少主子吞入肚的毛毛呀!!!

更多資訊:
Facebook: www.fb.com/3littlemeow
Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

魔力碗對貓咪真的有魔力?

魔力碗真係有魔力?! Three Little Meow *非專業*測試報告
日本魔力碗(台灣又稱多喝水碗) 都hit左一段時間, 不少客人都問過我地有冇得賣, 於是我地決定從日本買一隻返黎自己試下先! (其實係3個老闆試, 貓奴邊配用2百幾元的碗…..淚)

先來魔力碗官方介紹~
「此系列產品以2億8000萬年前出土的天然礦物(不含放射性元素)和生醫陶瓷(Bioceramics)混合燒成的人工機能石為素材，歷經1100度的高溫，燒製成這個系列的容器。對照保存在一般陶瓷容器的自來水和保存在Health Water Series容器中的自來水，證實保存在Health Water Series容器中的自來水的味道會隨著時間而產生變化，而使兩邊的水的味道產生落差。因為味覺感官和喜好一定會有不同，我們沒法百分百保證這個味道的轉換是正面的，但是在味道的實驗中，一般來說不受歡迎的味道屬性（刺激性等）證實被減低了。而一般來說受歡迎的味道屬性（深度，甜味等）被提高了。」

大概意思就係話, 水放在呢個碗內一段時間後, 可以去除一些不好的氣味, 提升水原有的甜味…所以水都要放在呢個碗裡一陣先開始有效, 如果你的主子見你一放低個碗就衝埋去飲, 咁應該係佢鐘意*新鮮乾淨*水多過個碗啊! (逃) 其實睇到呢度, 大家可能都會諗到, 有好多方法做到改善味道...

3位老闆家中原有飲水設施: 1部流動水機, 1碗水, 2杯水(人用杯, 作為貓奴的你慬的.) 放在家中不同位置 (大包圍做法, 總有一兜對胃口~)

背景~ 三位老闆的飲水情況:
大老闆自細都飲得比較少水, 未用流動水機之前, 佢最喜歡去飲水喉水. 用左水機有飲多左, 但都係鐘意水喉水多D, 後來估佢應該係唔鐘意煲過既水有陣味, 最後轉埋一部有殺菌功能+除氯氣的濾水器, 直接俾過濾左的水佢飲就解決了飲水問題
二老闆及三老闆: 飲得都算多水, 特別係三老闆, 但只去水機飲, 換完水佢一定飲頭啖水, 一坐低可以飲半分鐘. 二老闆就水機, 水兜都會飲.
由於3位老闆目前都冇嚴重唔飲水問題, 今次測試目的係睇下佢地會唔會飲多左或者鐘意飲魔力碗既水多過水機/普通碗

測試時間: 2星期
由於日頭貓奴多數不在家, 所以觀察時間大多在早上出門前及晚上, 每日約有8-9小時

測試情況:
第一日, 個碗放在原有水兜位置, 放左三日, 三個老闆都冇幫襯…
於是我地將個碗放在貓餐桌旁邊 (呢個位原本係冇放任何水兜), 第二日終於見到三老闆第一次幫襯, 都飲左好耐下. 不過之後就再冇見到有貓飲lu~ (但目測水係有少到的)
第二個星期, 我地決定再換位, 今次將佢放在流動水機附近. 過左兩日, 三老闆走埋去最後選擇了水機. 另一日見到圖中呢一幕: 二老闆去魔力碗度飲(!!), 大老闆就繼續幫襯流動水機... (由頭到尾都冇見過大老闆幫襯...)
(註: 用魔力碗要盡量不換水, 因為個碗需要時間去提升水的味道, 所以我地都係見到碗內真係好多毛先換, 同埋每次換完水要等一段時間先知個碗有冇效. )

總結: 如果你的主子係因為水的味道而唔飲, 呢個魔力碗係一個機會令你主子飲多D. (正如官方介紹所講, 呢個碗係透過改變水的味道去吸引貓貓飲多D. 味道呢D 野係好主觀的啊…) 魔力碗市面售價約港幣二百多(M size), 為左主子健康, 如負擔得到一試無妨, 因為他日不幸主子有腎病, 醫療費用更高!! 但更重要既係貓奴要有*恆心*, *肯去試*唔同方法, 搵出主子唔飲水的原因 (味道? 擺放位置? 流動/靜止? 唔清潔?), 不是買個碗就一勞永逸啊~
(待續, 下篇將會講講有咩其他方法吸引主子飲水)

更多資訊:
Facebook: www.fb.com/3littlemeow

IG: 3littlemeow
Website: www.3littlemeow.com

分店資料:

觀塘總店

Three Little Meow 總店位於觀塘商業區，交通便利。

乘搭港鐵於觀塘站下車，從B1出口步行約8分鐘即可到達。

地址：觀塘興業街16-18號美興工業大廈B座8樓01室

辦公時間：

星期一至日 12:00 - 19:00

特別假期以Facebook 公布為準。

聯絡電話：(852) 5596 1103

銅鑼灣分店

Three Little Meow 銅鑼灣分店位於銅鑼灣黃金地段，購物方便。

銅鑼灣港鐵站E出口步行1分鐘即達。

地址：記利佐治街2-10號銅鑼灣地帶2樓207-08舖

營業時間：

星期一至日 12:00-20:00

特別假期營業時間，請留意Facebook公布或致電查詢。

聯絡電話：(852) 5509 5998

旺角T.O.P店

Three Little Meow 旺角店位於港鐵站上蓋，交通便利，貨品齊全！

乘搭港鐵於旺角站下車，從B4出口直達商場。

地址：旺角彌敦道700號T.O.P.商場4樓415號舖

營業時間：

星期一至日 12:00 - 20:00 (2022年6月30日開幕)

特別假期以Facebook 公布為準。

聯絡電話：(852) 5595 5068

荃灣千色匯店

荃灣店位於千色匯1期，交通方便！此分店設有貓傢俬陳列及訂購服務。

地址: 荃灣千色匯1期2樓2019號舖

營業時間:

星期一至日 12:00-20:00

聯絡電話: (852)5599 5120

貓奴小TIPS: 飲水篇!

貓奴小TIPS: 飲水篇!

飲水點解對貓貓係一大問題?因為貓貓既祖先係野外生活,以狩獵小動物維生, 而佢地進食既食物就係生肉, 生肉入面含大量血和水份所以佢地就算好少飲水, 亦能吸收到適量既水份。

隨著貓貓成為人類既主人, 入屋後已經唔再狩獵, 改為以食乾糧為主(餅餅), 因為對貓奴黎講既方便又平! 而食餅餅當然冇辦法好似食生肉咁吸收到大量水份! 長期缺水唔會立即死亡, 但會加重貓貓腎臟既負擔! 好容易造成慢性腎衰竭、尿路結石等疾病!!

要預防慢性腎衰竭的方法有三個: 第一，飲水，第二第三，都係飲水！！！以下將介紹八個令貓貓多飲水既方法:

1. 用流動既水, 例如飲水器:基於野生動物係飲河流動既水，所以好多貓都喜歡喝乾淨而流動的水。可以考慮買部寵物飲水機俾主子用, 但記得要1-2個月換濾芯一次~

2. 經常換水:貓貓鐘意飲乾淨水, 而且對異味好敏感, 貓奴要勤換水並將水容器洗乾淨, 千祈唔好俾水喉水貓貓飲, 一定要煲過! 因為可以減少水既細菌同去除味道, 其二係水管好污糟, 好易惹到令人聞風喪膽既梨形虫! (下次再講我家二老闆對抗梨形虫的故事)

3. 用貓貓鐘意既容器:有 D 貓鐘意陶瓷, 有D鐘意膠。總之投其所好, 可以增加飲水次數。PS 我家大老闆鐘意直接去水喉直接飲-_-!!

4.係貓貓經常路過既地方放水千祈唔好只係一處放水俾貓貓飲, 貓貓天生性格太有型, 唔會為左飲水而去到老遠飲! 建議係食物兜或休息地方附近都放水俾佢地飲!

5. 俾貓貓飲適當溫度既水呢招對我家三位老闆好有用, 特別係冬天時, 俾少少暖水佢地飲, 佢地會飲得特別多! 記得係暖水好啦, 夏天時可以俾稍為凍少少既水佢地, 但唔好太冰~

6. 罐罐加水:嘿嘿, 不作多說。但要注意也要經常食餅餅, 因為餅餅可以保護貓貓的牙

7. 俾貓貓食含水量高的食物:可以自己蒸蝦, 雞柳俾貓貓食, yummy~

8. 灌水:最後一步先好用呢招~ 曾經大老闆病左時又唔肯飲水, 我地唯有冒住俾佢嬲的風險用針筒(當然是無針頭) 灌佢飲水

更多資訊:

Facebook: www.fb.com/3littlemeow

Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

貓奴小TIPS: 小貓模式

貓奴小TIPS: 小貓模式

貓奴們, 知唔知咩叫小貓模式? 如果你主子成日用雙腳踩下踩下, 雙眼一條線一副好enjoy既樣, 呢個就係其中一個小貓模式啦~

由於貓奴對主子愛護有加, 所以好多貓咪都會將貓奴當成自己既媽媽~經常向貓奴索取"母愛的呵護", 如果你有曾經遇過以下遭遇, 咁就恭喜你啦, 證明主子真係當你係媽媽, 對你好依賴同信任~

1. 係你身上或柔軟既東西上雙腳踩下踩下, 好似幫人踩背咁, 雙眼一條線一副好enjoy既樣, 並發出"呼嚕呼嚕"既聲音~解說: 呢個行為係由於貓咪想起幼時吸食貓媽既奶而引起, 柔軟既東西令佢地諗起貓媽既乳房, 懷念被照顧既日子, 有D貓甚至會吸啜床單甚至貓奴手指。(我家三位老闆成日都會咁做架, 大老闆仲成日LAM到張貓床濕晒添如片中所見~)

2. 經常要你摸摸解說: 貓B小時候唔識得自己lam毛沖涼, 而貓媽就會幫佢地lam毛沖涼, 佢地長大後, 就會要求貓奴摸佢地, 安撫佢地, 就好似貓媽lam貓b一樣~

3. 經常對你豎起尾巴/搵個patpat對住你解說: 貓B細個時唔識排便, 要貓媽lam佢地肛門,幫助排便~ 如果你家主子成日搵個patpat對住你, 你就自己決定啦XD , (三老闆妹妹成日都搵個patpat對住我地, 我地就唔會lam 囉....)

4. 成日捐你加啦底(腋下)或小巴解說: 原因係呢D部位就好比貓媽腹部既下方~ 佢地細個時成日呢埋係貓媽下面受保護~

更多資訊:

Facebook: www.fb.com/3littlemeow

Website: www.3littlemeow.com

貓, MEOW, 貓奴, 寵物, CAT, PET, 喵, 貓傢俱, 貓傢具, 貓屋, 貓樹, 貓傢私, 貓傢俬, cat tree, cat toy, 貓玩具, 貓知識, 貓傢俱, 貓床, 貓糧

貓奴小TIPS:貓貓去廁所／沖涼的秘密...

貓貓每次去廁所前都會先聞下貓砂，確定係乾淨貓砂後，會作出挖坑既動作，然後係坑上解決。去完後又會聞下，用砂將便便埋好，最後再聞多下，確定便便既氣味已被覆蓋先會離開貓廁所。

以上一連串動作大家都有機會見到，但知道點解會咁嗎？原因係貓係天生既狩獵者，佢地既祖先係野外生活，為左避免嗅覺靈敏既動物察覺到自己蹤跡，所以必須習慣性咁隱藏好自己既氣味～如果便便外露就好易被其他動物發現，輕則對狩獵有困難，重則對自己生命有危險，同時貓貓食完野不斷沖涼，將食物既味盡量清除，都係同樣目的。而呢Ｄ習慣一直維持到今日。

我地三老闆妹妹剛入屋時，因為陌生環境好緊張，佢第頭幾次去完廁所將所有貓砂堆成一座小山，到後來就冇 lu~而大老闆班班見個廁所多一兩篤便便就超不滿，甚至走上床賴尿以示抗議！

更多資訊:

Facebook: www.fb.com/3littlemeow

Website: www.3littlemeow.com